സൗഹൃദങ്ങളെ, ബന്ധങ്ങളെ, കുടുംബങ്ങളെ വിളക്കി നിർത്തിയ മഹത്തായ വ്യക്തിത്വത്തിന്.....
പിതാവിലും , പിതാവിന്റെ നിഴലിലും ഞാൻ തേടിയ സാമീപ്യത്തിന് ...
അടുക്കുവാൻ ഞാൻ മറന്നെങ്കിലും, സ്വന്തം എന്ന് പറയാ൯ ഒരിക്കലും മടി കാണിക്കാത്ത അതുല്യ മനുഷ്യന് ...
അപാര മനസ്സിന് ...
പ്രതിസന്ധികളിൽ താങ്ങും തണലുമായ നിർമലതക്ക്, വിനോദ നിമിഷങ്ങളിൽ ആർത്തുല്ലസിച്ച നർമ്മങ്ങൾക്ക് , ഓർമ്മകൾക്ക് ...
ആദർശങ്ങളിൽ, സാമുദായിക - സാമൂഹ്യ - വ്യക്തിജീവിത ഘട്ടങ്ങളിൽ, ഉപദേശ - നിർദേശ - ഇടപെടലുകളിൽ മാർഗ ദർശിനിയായതിന്....
എല്ലാറ്റിലും ദൈവം കഴിഞ്ഞാൽ ഞാൻ ഉണ്ട് എന്ന കനത്ത ഉറപ്പിന്, വിശ്വാസത്തിന്, ചേർത്ത് നിർത്തലിന് ...
ഒന്നും തിരികെ നൽകാൻ ആവാതെ ഈ ഞാൻ...
ഇന്ന് ഇവിടെ കനത്ത ശൂന്യതയിൽ ജീവിതത്തിനും, വിധിക്കും മുൻപിൽ ഉത്തരം തേടുന്ന ഒരായിരം ചോദ്യങ്ങൾക്കുമിടയിൽ കുറേ മനുഷ്യർ ...
ബാക്കിവെച്ചു പോയ മഹത്തായ ഉദ്ധരണികൾക്ക് , ഉദാഹരണങ്ങൾക്ക് , ആദർശത്തിന് ജീവനേകുമെന്ന ഉറപ്പോടെ,
പ്രിയപ്പെട്ട മൂത്താപ്പക്ക്
കണ്ണുനീരിൽ, വേദനയിൽ കുത്തിർന്ന ,
ആത്മാവിൽ നിന്നുണരുന്ന നന്ദിയുടെ മൂർത്തിഭാവത്തിൽ വിട നൽകട്ടെ
ആത്മശാന്തിക്കായി പ്രാർത്ഥനകൾ അർപ്പിക്കുന്നു...
No comments:
Post a Comment